சீனாவின் குய் சோ மாநிலத்தின் அன் ஷுன் நகரின் பு திங் மாவட்டம், "ஹுவா தெங் கலை ஊர்" என அழைக்கப்படுகிறது. கடந்த சில நூற்றாண்டுகளில், ஹுவா தெங் எனும் பழமைவாய்ந்த நாட்டுப்புறக் கலை அங்கே பரவி வருகிறது. சுமார் 300 ஆண்டுகளின் வளர்ச்சியுடன், ஹுவா தெங் கலை, உள்ளூர் பிரதேசத்தின் மக்களால் மிகவும் வரவேற்கப்பட்டுள்ளது. தற்போது, இந்த நாட்டுப்புறக் கலை, சிறு கிராமத்திலிருந்து வெளியே பரவலாகி, சீனாவின் பல இடங்களில் அரங்கேற்றப்பட்டுள்ளன. அதேவேளையில், இக்கலை பண்பாட்டுத் தொழிலாகவும் வளர்ச்சியடைந்துள்ளது.

பு திங் மாவட்டத்தின் பய் யன் வட்டத்தின் யீ கே ஷூ கிராமத்தில் வாழும் சோ குவோ ஃபாவுக்கு வயது 70. அங்கே விரைவில் நடைபெறயிருக்கும் ஹுவா தெங் அரங்கேற்றத்துக்கு அவர் பயிற்சி செய்து வருகிறார். அவர் பு திங் மாவட்ட நாட்டுப்புறக் கலைக்குழுவின் உறுப்பினர் ஆவார். அவரும், அவரது மனைவியும் பத்து வயது தாண்டியது முதல் ஹுவா தெங் நடனம் ஆடத் தொடங்கினர். இது வரை சில பத்தாண்டுகள் ஆகிவிட்டன. தற்போது, முதியவரான அவர், அரங்கேற்றத்தில் ஹுவா தெங் நடனம் ஆட முடியாது என்ற போதிலும், இக்கலைக் குழுவில் முரசு இசைக்கும் கலைஞராக, அவரது மகன் மற்றும் மருமகளுடன் இணைந்து, ஒன்றாக நிகழ்ச்சிகளை அவர் அரங்கேற்றி வருகிறார்.

1 2 3 4 5 6