பாகிஸ்தான் தலைநகர் இஸ்லாமாபாத்தில் அரசுக்கு எதிராக கடந்த ஒரு மாதங்களுக்கும் மேலாக போராட்டத்தில் ஈடுபட்டு வரும் பாகிஸ்தான் அவாமி தெஹ்ரீக் அமைப்பினர், தங்களது போராட்டத்தை இஸ்லாமாபாத்தில் இருந்து நாட்டின் பிற பகுதிகளுக்கு மாற்ற உள்ளதாக செவ்வாய்க்கிழமை இரவு அறிவித்தனர்.

தெஹ்ரீக் அமைப்பின் இந்த அறிவிப்பு, போராட்டத்தில் ஈடுபட்டு வந்த மற்றொரு அமைப்பான பாகிஸ்தான் தெஹ்ரீக்-இ-இன்சாப் அமைப்புக்கு பின்னடைவை ஏற்படுத்தும் என்று எதிர்பார்க்கப்படுகிறது.

கோரிக்கைகள் நிறைவேறும் வரை போராட்டத்தைக் கைவிடக் கூடாது என்று தெஹ்ரீக்-இ-இன்சாப் அமைப்பின் தலைவரான இம்ரான் கான் முன்னர் கூறியிருந்த்தது நினைவுகூரத்தக்கது.