பூண்டு என்ற பெயரை நாம் அனைவரும் அறிவோம். நமது உணவு வகைகள் பெரும்பானவற்றில் பூண்டும் ஓர் அங்கம் வகிக்கிறது. உணவு செறிப்பதற்கு பூண்டு உகந்த பொருள் என்பதால் அதனை நாம் அன்றாடும் எடுத்து வருகிறோம். ஆனால், நுகர்வோரை மேலும் கவரும் வகையில் பூண்டு கலக்கப்பட்ட குளிர்பானமான பூண்டு கோலாவை ஜப்பான் சமீபத்தில் அறிமுகம் செய்துள்ளது.

ஜப்பானின் அமோரி நகரில் அறிமுகம் இந்தக் கோலா அறிமுகம் செய்யப்பட்டுள்ளது.

அது ஏன் அமோரி நகரில் மட்டும் பூண்டு கோலா அறிமுகம் செய்யப்பட்டுள்ளது என்ற கேள்வி நமது மனதில் எழாமல் இருக்காது. ஜப்பானின் தலைநகர் டோக்கியோ என்றால், ஜப்பானில் பூண்டின் தலைநகர் அமோரியாம். இது, பூண்டு நகர் என்றுகூட அழைக்கப்படுகிறதாம். ஒவ்வொரு ஜூலை திங்களிலும், அதிக அளவிலான பூண்டினை அமோரி நகரில் அறுவடை செய்யப்படுகிறது.

அதிக அளவிலான பூண்டு விளைச்சலைப் பயன்படுத்தி, அந்த நகரில் உள்ள பல்வேறு நிறுவனங்கள் பூண்டு பீர், பூண்டு ஐஸ் கிரீம் என பல்வேறு வகைகளை ஏற்கெனவே அறிமுகம் செய்து வைத்துள்ளது. அந்தவரிசையில் தற்போது பூண்டு கோலா அறிமுகம் செய்து வைக்கப்பட்டுள்ளது. இந்த கோலாவுக்கு எப்படி வரவேற்பு இருக்கும் எனத் தெரியாது. ஆனால், கண்டிப்பாக புதுமை விரும்பிகளான ஜப்பானியர்கள் மத்தியில் இது பெரும் புகழைப் பெறும் என்று அந்நிறுவனம் முழுமையாக நம்பியுள்ளது.

இந்த கோலாவின் உள்ளூர் பெயர் என்ன தெரியுமா ஜேட்ஸ் டக்கோலா. ஜேட்ஸ் என்பது ஆச்சரியம் ஏற்படும் உருவாகும் சத்தமாம். இந்த கோலாவை ஒருவர் குடிக்கும்போது கண்டிப்பாக ஒருவர் ஆச்சரியப்பட்டே தீர வேண்டுமாம். அதனால் அந்த நிறுவனம் இந்தப் பெயரையும் இணைத்துள்ளது. எப்படியோ குடிக்கும் கோலா நன்றாக செரித்தால் சரி என்று நுகர்வோர் முனுமுனுக்கத் தொடங்கி விட்டனராம்.