ஆசிய அடிப்படை வசதி முதலீட்டு வங்கியின் ஆரம்ப உறுப்பு நாடுகளாக, நெதர்லாந்து, பிரேசில், பின்லாந்து, ஜார்ஜியா, டென்மார்க் ஆகிய நாடுகள் அதிகாரப்பூர்வமாக சேர்க்கப்பட்டுள்ளன என்று சீன நிதி அமைச்சகம் 12ஆம் நாள் அறிவித்துள்ளது.
தற்போது, இவ்வங்கியை ஆரம்பித்த உறுப்பு நாடுகளின் எண்ணிக்கை 46ஆக உயர்ந்துள்ளது. ஆசியா, ஐரோப்பா, அமெரிக்கா, ஆப்பிரிக்கா, ஓசியானியா ஆகிய ஐந்து கண்டங்களைச் சேர்ந்த 50க்கும் மேற்பட்ட நாடுகளும் பிரதேசங்களும் இவ்வங்கியில் சேர விண்ணப்பித்துள்ளன. அதன் ஆரம்ப உறுப்பு நாடுகளின் இறுதி எண்ணிக்கை மிக முன்னதாகவே ஏப்ரல் 15ஆம் தேதி வெளியிடப்படவுள்ளது என்று தெரிகிறது.
இவ்வங்கியின் விதிமுறை 2015ஆம் ஆண்டின் நடுவில் பேச்சுவார்த்தை மூலம் கையெழுத்தாகும். இவ்வாண்டுக்குள் விதிமுறை நடைமுறைக்கு வந்த பின் ஆசிய அடிப்படைவசதி முதலீட்டு வங்கி அதிகாரப்பூர்வமாக செயல்படும் என்பது குறிப்பிடத்தக்கது.