• முந்தைய வடிவம்• எழுத்துரு
Web tamil.cri.cn 
எழுத்துக்களை படிக்கும் 19 மாதக் குழந்தை
  2015-11-26 16:50:15  cri எழுத்தின் அளவு:  A A A   

குறைந்தது 3 ஆண்டுகளுக்குப் பின்தான் ஒரு குழுந்தை, எழுத்துக்களை எழுதவும் படிக்கவும் கற்கும். ஆனால், அமெரிக்காவின் வடக்கு கரோலினா மாகாணத்தில் 19 மாதக் குழந்தை சுமார் 300-க்கும் மேற்பட்ட வார்த்தைகளை பிழையில்லாமல் படிப்பது "என்னே குழந்தையின் ஆற்றல்" என பலரையும் வியப்பில் ஆழ்த்தியுள்ளது. இதுதவிர, சுமார் 50 வரையிலான எண்களை தவறில்லாமல் எண்ணுவதிலும் இக்குழந்தை கில்லாடியாம்.

அக்குழந்தையின் பெயர் கார்டர். ஆங்கிலத்தில் உள்ள was, like, to, made, over, may, call என 300-க்கும் மேற்பட்ட வார்த்தைகளை உச்சரிக்கும் கார்டரின் ஒலி-ஒளிக்காட்சியை அதன் தாய் லடாயோ எடுத்து இணையத்தில் பதிவேற்றம் செய்துள்ளார்.

இது குறித்து லடாயோ கூறும்போது, கார்டருக்கு ஏ, பி, சி தெரியும், அதனால், எழுத்துக்களை எழுதும்போது அதனை எழுத்துக்கூட்டி படிக்கிறான். மேலும், ஏதேனும் வெளி இடங்களுக்குச் சென்றால் அங்கே வைக்கப்பட்டிருக்கும் எழுத்துக்களையும் முயற்சி செய்தி படிப்பதில் ஆர்வம் கொண்டுள்ளார். அவனுக்கு 7 மாதமாக இருந்தபோது எழுத்துக்களை நினைவில் வைத்துக் கொள்ள ஆரம்பித்து விட்டான். சுமார் 12 மாதமாக இருக்கும்போது ஆங்கில சொற்களை வாய்விட்டு சொல்லவும் ஆரம்பித்து விட்டான் என்று கூறுகிறார்.

பெரும்பாலான பெற்றோர்கள் கூறுவது என்னவென்றால், குழந்தைக்கு 18 மாதமாக இருக்கும்போது அக்குழந்தை அதிகபட்சமாக 6 வார்த்தைகளை மட்டுமே கூற கற்றுக் கொண்டிருக்கும் என்பதுதான். ஆனால், கார்டரின் விஷயமோ தலைகீழ். எதிர்காலத்தில் சிறந்த விஞ்ஞானியாகவோ அல்லது ஏதேனும் ஒரு துறையில் ஜொலிக்கும் நபராகவோ கார்டர் உருவெடுப்பார் என்றே தோன்றுகிறது.

உங்கள் கருத்தை பதிவு செய்ய
கடைசிச் செய்தி
• 2017ஆம் ஆண்டின் உலக எரியாற்றல் வினியோகம்
• சீனாவின் பாலியெஸ்ட்டர் நூல் மீது இந்தியாவின் பொருள் குவிப்பு விற்பனை எதிரான விசாரணை
• இந்திய எல்லை பாதுகாப்புப் படையின் செயல் குறித்து சீனாவின் கருத்து
• ஹாங்காங் தாய்நாட்டுக்குத் திரும்பிய 20ஆவது ஆண்டின் போது ஷிச்சின்பீங்கின் கருத்து
• கோடைக்காலத் தாவோஸ் கருத்தரங்கில் பங்கேற்கும் விருந்தினர்கள் வருகை
• உலகப் பொருளாதாரத் தலைவருடன் லீக்கெச்சியாங் சந்திப்பு
• டிரம்ப் அரசு முன்வைத்த குடியேற்றத் தடையின் ஒரு பகுதிக்கு அனுமதி
• கிரிக்கெட்டில் இந்திய அணி புதிய சாதனை
• ஹாங்காங், தாய்நாட்டுடன் இணைந்த 20ஆவது ஆண்டு நிறைவுக்கான சாதனைகளின் கண்காட்சி
• சீனாவின் லாங்மார்ச்-5 ஏவூர்தியின் 2ஆவது பரி சோதனை ஏவுகலன்
© China Radio International.CRI. All Rights Reserved.
16A Shijingshan Road, Beijing, China. 100040