செப்டம்பர் 11 பயங்கரவாத தாக்குதலில் உயிர் பிழைத்தவர்கள் மற்றும் உயிரிழந்தோரின் குடும்பத்தினர்கள் சௌதி அரேபிய அரசு மீது வழக்குதாக்கல் செய்ய அனுமதி வழங்கும் சட்ட முன்மொழிவு அமெரிக்க நாடாளுமன்றத்தில் 28ஆம் நாள் வாக்கெடுப்பு மூலம் ஏற்றுக் கொள்ளப்பட்டது. முன்பு அரசுத் தலைவர் பராக் ஒபாமா இதற்கு அளித்த எதிர்ப்பு வாக்கு நீக்கப்பட்டது. அரசுத் தலைவராக பதவியேற்ற பின் அவர் அளித்த எதிர்ப்பு வாக்கு நீக்கப்படுவது இதுவே முதன்முறையாகும்.

அமெரிக்க பாதுகாப்பு நலனை காரணமாக கொண்டு, செனெட் அவை மற்றும் பிரதிநிதிகள் அவையில் ஏற்றுக்கொள்ளப்பட்ட இச்சட்ட முன்மொழிவை பராக் ஒபாமா 23ஆம் நாள் நிராகரித்தார். 27ஆம் நாள் அவர் நாடாளுமன்றத் தலைவர்களுக்கு அனுப்பிய கடிதத்தில், இச்சட்ட முன்மொழிவு சட்டமாக மாறினால், இதர நாடுகள் இத்தகைய சட்ட முன்மொழிவை ஏற்றுக்கொள்வதற்கு காரணத்தை வழங்கக் கூடும். இதனால் அமெரிக்க இராணுவம், தூதாண்மை மற்றும் உளவு துறைக்கு கடும் பாதிப்பை ஏற்படுத்தும் என்று தெரிவித்தார்.