உலக அறிவுச்சொத்துரிமைத் துறையில் சீனா பெற்றுள்ள சாதனைகளை உலக அறிவுச்சொத்துரிமை அமைப்பு 15ஆம் நாள் பாராட்டியுள்ளது.

இந்த அமைப்பின் பொதுச் செயலாளர் பிரான்ஸிஸ் குரே பேசுகையில், சீனாவின் வெளிப்பாடுகள், மிகவும் சிறப்பாக இருக்கின்றன. சர்வதேச அறிவுசார் காப்புரிமை விண்ணப்பத்துறையில், சீனாவிலிருந்து செய்யப்பட்ட விண்ணப்பங்களின் எண்ணிக்கை ஓர் ஆண்டில் 44 விழுக்காடு அதிகரித்துள்ளது என்று அவர் கூறினார்.

இந்த எண்ணிக்கை, பத்து விழுக்காடு மேல் தொடர்ந்து அதிகரித்தால், தற்போதைய தரவரிசையில் 3ஆவது இடமான சீனா, ஜப்பான் மற்றும் அமெரிக்காவைத் தாண்டி, உலகில் முதலிடம் வகிக்கும் என்றும் அவர் கூறினார்.

சீன தயாரிப்பு என்பதிலிருந்து சீன படைப்பு என்பதாக மாறும் முன்னேற்றப் போக்கில், சீனா அறிவுச்சொத்துரிமையில் அதிகமான முன்னேற்றங்களைப் பெற்றுள்ளது என்று அவர் தெரிவித்தார்.(ஜெயா)