சீன டெலிகாம் குழுமத்தின் பார்வையில், தகவல் செய்தித் தொடர்புத் துறை, ஒரு மண்டலம் மற்றும் ஒரு பாதை என்ற முன்மொழிவைச் செயல்படுத்தும் அடிப்படை தொழிற்துறையாகும். தற்போது, இம்முன்மொழிவில் முன்வைக்கப்பட்டுள்ள 11 நெடுநோக்கு அலைவரிசைகள், 3 மண்டலங்களைச் சேர்ந்த 12 அலைவரிசைகள் ஆகியவை, சீன டெலிகாம் குழுமத்தின் அலைவரிசையில் பரவியுள்ளன. இவற்றில் சீன-லாவோஸ்-தாய்லாந்து அலைவரிசை, சீன-பாகிஸ்தான் தகவல் பாதை, பட்டுப்பாதை ஒளிவடம், சீன-மியன்மார்-வங்காளதேச-இந்திய அலைவரிசை ஆகியவை, 4 முக்கியமான வழிகாட்டல் திட்டப்பணிகளாக முன்னேற்றப்படும். 2018 முதல் 2019ஆம் ஆண்டு வரையிலான காலத்தில், இந்த அலைவரிசைகள் முழுமையாக திறந்து வைக்கப்படவுள்ளன.
லாவோஸ் மற்றும் தாய்லாந்தின் தகவல் கூட்டு நிறுவனங்களுடன் சீன டெலிகாம் கூட்டு நிறுவனம் ஒத்துழைத்து கட்டியமைத்த, சீன-லாவோஸ்-தாய்லாந்து அலைவரிசை தற்போது திறந்து வைக்கப்பட்டுள்ளது. 10 ஆண்டுகள் தொடரும் கட்டுமானத்தின் மூலம், சீன-பாகிஸ்தான் தகவல் பாதை, இவ்வாண்டு சாரம்ச ரீதியான முன்னேற்றம் அடைய உள்ளது என்று சீன டெலிகாம் சர்வதேசக் கூட்டு நிறுவனத்தின் பொது மேலாளர் டேங்சியாவ்ஃபேங் அறிமுகப்படுத்தினார்.
மேற்கூறிய 4 முக்கிய திட்டப்பணிகளில், பட்டுப்பாதை ஒளிவடம், மத்திய ஆசியா, தெற்காசியா, மேற்காசியா முதலியவற்றைக் கடந்த பல தரப்புத் தரை ஒளிவடத்தின் ஒத்துழைப்புத் திட்டப்பணியாகும். சீன-மியன்மார்-வங்காளதேச-இந்திய அலைவரிசை, மியன்மாரை மையப் பகுதியாகக் கொண்டு, வங்காளதேசம் மற்றும் இந்தியாவை இணைக்கும் அலைவரிசையாக திகழ்கிறது. இந்த 4 அலைவரிசைகள் கட்டியமைக்கப்பட்டப் பின், நாட்டைக் கடந்து தொலைத்தொடர்பில் நெடுகிலுள்ள இந்த நாடுகளின் இன்னல்கள் சாரம்ச ரீதியான முறையில் தீர்க்கப்பட உள்ளன. நெடுகிலுள்ள நாடுகள், சர்வதேச பொருளாதார ஒத்துழைப்பில் பங்கெடுப்பதற்குத் தகவல் அடிப்படையை இவை உருவாக்குவதாக அறிமுகப்படுத்தப்பட்டுள்ளது.
அனுப்புதல்