சீன அரசுத்தலைவர் ஷிச்சின்பிங் 7ஆம் நாள் புறப்பட்டு கசகஸ்தானின் தலைநகர் அஸ்தானாவுக்குச் சென்று அரசுமுறை பயணத்தைத் துவக்கினார். மேலும், அவர் ஷாங்காய் ஒத்துழைப்பு அமைப்பு உறுப்பு நாட்டுத் தலைவர்கள் செயற்குழுவின் ஆண்டுக்கூட்டத்திலும், அஸ்தானா சிறப்பு உலக பொருட்காட்சியின் துவக்க விழாவிலும் கலந்துகொள்வார். சீனா ஒரு மண்டலம் மற்றும் ஒரு பாதை பற்றிய சர்வதேச ஒத்துழைப்பு கருத்தரங்கை வெற்றிகரமாக நடத்திய பிறகு, ஷிச்சின்பிங் மேற்கொள்ளும் முதலாவது வெளிநாட்டுப் பயணம் இதுவாகும். சீன சமூக அறிவியல் கழகத்தைச் சேர்ந்த ஷாங்காய் ஒத்துழைப்பு அமைப்பு பற்றிய ஆய்வு மையத்தின் பொதுச் செயலாளர் சுன் சுவாங்ச்சி பேசுகையில், இப்பயணம், ஒரு மண்டலம் மற்றும் ஒரு பாதை என்ற கட்டுக்கோப்புக்குள் சீனா மற்றும் கசகாஸ்தானின் பயனுள்ள ஒத்துழைப்பை வலுப்படுத்துவதற்குத் துணைபுரிவதோடு, எதிர்காலத்தில் ஒரு மண்டலம் மற்றும் ஒரு பாதை கட்டுமானத்தில் ஷாங்காய் ஒத்துழைப்பு அமைப்பின் உறுப்பு நாடுகளிடையேயான சீரான பரிமாற்றத்துக்கும் கூட்டு வளர்ச்சிக்கும் முக்கியத்துவம் வாய்ந்த்து என்று தெரிவித்தார்.

நடப்புக்கூட்டத்தில் ஷாங்காய் ஒத்துழைப்பு அமைப்பு முதல்முறையாக உறுப்பு நாடுகளை அதிகரிக்கும். இந்தியாவும் பாகிஸ்தானும் இதில் அதிகாரப்பூர்வமாக சேர்வதாக அறிவிக்கப்பட்டது. இவ்விரு நாடுகளும் சேர்வது, இவ்வமைப்பின் வளர்ச்சிக்கு புதிய வாய்ப்புகளை கொண்டு வரும் என்று சுன் சுவாங்ச்சி குறிப்பிட்டார். அவர் கூறியதாவது:

இந்தியாவும் பாகிஸ்தானும் ஷாங்காய் ஒத்துழைப்பு அமைப்பில் சேர்ந்த பிறகு, இவ்வமைப்பின் ஒத்துழைப்பு வாய்ப்புகளும் அளவும் மேலும் விரிவாகும். குறிப்பாக, பாதுகாப்புத்துறையில் இந்தியாவும் பாகிஸ்தானும் இப்பிரதேசத்தின் பெரிய நாடாக நிதான பாதுகாப்பிலும் பயங்கரவாத ஒடுக்குதலிலும் முக்கிய பங்கு ஆற்றலாம். தவிர, பொருளாதார மற்றும் வர்த்தகத்துறையில் போக்குவரத்து, நாணயம், எரியாற்றல் உள்ளிட்ட முன்னுரிமையுடைய துறைகளில் மேலதிக ஒத்துழைப்பு வாய்ப்புகள் உருவாகும் என்று சுன் சுவாங்ச்சி கூறினார்.

அதேவேளை, ஒரு மண்டலம் மற்றும் ஒரு பாதை என்ற திட்டத்தின் கட்டுமானத்தில் ஷாங்காய் ஒத்துழைப்பு அமைப்பின் வளர்ச்சி ஆக்கப்பூர்வமான முன்னேற்ற பங்கினை ஆற்றலாம் என்றும் அவர் தெரிவித்தார். சுன் சுவாங்ச்சி மேலும் கூறியாதவது：

ஷாங்காய் ஒத்துழைப்பு அமைப்பும் ஒரு மண்டலம் மற்றும் ஒரு பாதை என்ற திட்டப்பணியும் ஒத்துழைப்பு இலக்கு மற்றும் கருத்தில் ஒத்த கருத்துக்களை உருவாக்குகின்றன. மேலும், ஷாங்காய் ஒத்துழைப்பு அமைப்பின் உறுப்பு நாடுகளும் பார்வையாளர் நாடுகளும் ஒரு மண்டலம் மற்றும் ஒரு பாதை என்ற பிரதேசத்தில் அமைந்துள்ள முக்கிய நாடுகளாகும். எதிர்காலத்தில் இவ்விரு அமைப்புகளும் ஒன்றுக்கு ஒன்று நன்மை தந்து கூட்டாக வளர்ச்சியடையலாம் என்று அவர் கருத்து தெரிவித்தார்.（கலைமகள்）