பத்து தலைசிறந்த தலைப்பு பாடல்களின் பட்டியலில், வங்காளத் தேசத்தின் இசைக் கலைஞர் இயற்றிய ஒரே வானம், தமிழ் இசைக் கலைஞர்கள் இயற்றிய ஒன்பது நாடுகளின் பாராட்டுப் பாடல், செழிப்பான தெற்காசியா ஆகிய பாடல்கள் இடம்பெறுகின்றன. இப்பாடல்கள் கோலாகலமான தெற்காசியத் தனிச்சிறப்பு வாய்ந்தவை. சீன-தெற்காசியப் பொருட்காட்சியின் தலைப்புப் பாடலின் தேர்வுப் போட்டியின் நடுவர் குழுவின் நிபுணரும், சீன மக்கள் இசை வெளியீட்டகத்தின் துணை தலைமை பதிப்பாசிரியருமான து சியாவ் ஷி கூறியதாவது：

"இந்த பாடல்களில் ஒன்றைக் கேட்டு, அது இந்தியா, பாகிஸ்தான், ஆப்கானிஸ்தான் ஆகியவற்றில் எந்த நாட்டை சேர்ந்தது என்பதை உறுதிப்படுத்துவதற்கு கொஞ்சம் கடினம். சீன மக்கள் இந்நாடுகளின் பாடல் பாணிகளுக்கிடை சிறிய வேறுபாடுகளை கூற முடியாது. சீனாவுக்கும், தெற்காசியாவுக்குமிடை பரிமாற்றம் குறைவாக இருக்கிறது என்பதை இது காட்டுகிறது. எதிர்காலத்தில் இத்தகைய நடவடிக்கைகளை மேலதிகமாக நடத்த வேண்டும். இவை பெரும் முக்கியத்துவம் வாய்ந்தவை" என்றார் அவர்.