இரண்டு நாட்கள் நீடிக்கும் 2014ஆம் ஆண்டு ஆசிய-பசிபிக் பொருளாதார ஒத்துழைப்பு அமைப்பின் தொழில் மற்றும் வணிகத் துறைத் தலைவர்கள் உச்சிமாநாடு 9ஆம் நாள் பெய்ஜிங்கில் துவங்கியது. ஏபெக் உறுப்பு நாடுகளின் தலைவர்கள், ஆசிய-பசிபிக் பிரதேசத்தின் தொழில் மற்றும் வணிகத் துறைத் தலைவர்கள், புகழ் பெற்ற அறிஞர்கள் உள்பட சுமார் 1500பேர் பெய்ஜிங்கில் குவிந்தனர். ஆசிய-பசிபிக் கூட்டாளியுறவைக் கூட்டாக வளர்ப்பது பற்றி அவர்கள் கருத்துக்களைப் பகிர்ந்து கொண்டு இப்பிரதேசப் பொருளாதாரத்தின் வளர்ச்சிக்குப் புதிய உந்து ஆற்றலைக் கொண்டு வந்துள்ளனர்.

ஏபெக் அமைச்சர் நிலை கூட்டத்தில் ஆசிய-பசிபிக் தடையில்லா வணிக மண்டலத்தின் நெறிவரைபடம் வகுப்பது பற்றி ஒத்த கருத்தை எட்டிய பிறகு, ஆசியப் பொருளாதாரத்தின் ஒருமைப்பாட்டை முன்னேற்றுவது இவ்வுச்சிமாநாட்டில் விவாதிக்கும் முக்கிய அம்சமாகும். இது குறித்து, சிலி அரசுத் தலைவர் மிஷேர் பாச்சேரேட் அம்மையார் கூறியதாவது,

ஆசிய-பசிபிக் தடையில்லா வணிக மண்டலத்தின் நெறிவரைபடத்தை நனவாக்குவதற்கு நாம் மிகவும் ஆதரவளிக்கிறோம். இப்பிரதேசத்தின் ஒருமைப்பாட்டு வளர்ச்சிப் போக்கிற்கு அது மிகவும் துணை புரியும். பசிபிக் கூட்டாளியுறவு உடன்படிக்கை உள்பட இப்பிரதேசத்தின் ஒருமைப்பாட்டு அமைப்பு முறைகள் ஒன்றிடம் இல்லாததை மற்றது நிறைவு செய்யும் வகையில் இவ்வரைபடம் அமையும் என்றார் அவர்.

1 2 3