die150116.mp3

2014ஆம் ஆண்டு சர்வதேச சுத்திகரிக்கப்பட்ட எண்ணெய் விலை, கோடைக்காலத்தில் உயர் பதிவாகிய பின் வீழ்ச்சி அடைந்தது. ஆண்டின் நடுப்பகுதியில் ஒரு பீப்பாய்க்கு 110 அமெரிக்க டாலரிலிருந்து தற்போதைய 50க்கு மேற்பட்ட அமெரிக்க டாலராக குறைந்த இந்த விலை, கொந்தளிப்பான அலை போல் காணப்படுகிறது. எண்ணெய் விலை குறைவுக்கான காரணம் என்ன？ குறைந்து வரும் எண்ணெய் விலையிலிருந்து சீனா நன்மை பெறலாமா？ 2015ஆம் ஆண்டு எண்ணெய் விலையில் எந்த மாற்றம் ஏற்படும்？ உள்ளிட்ட கேள்விகளோடு, இன்றைய நிகழ்ச்சியைக் கேட்டு ரசியுங்கள்.

கடந்த ஜுன் திங்கள் முதல் சர்வதேச சந்தையில் கச்சா எண்ணெய் விலை குறைந்து வருகிறது. இருப்பினும், நவம்பர் 27ஆம் நாள் நடைபெற்ற எண்ணெய் ஏற்றுமதி நாடுகள் அமைப்பின் அமைச்சர் நிலைக் கூட்டத்தில், கச்சா எண்ணெயின் தின உற்பத்தி அளவு 3 கோடி பீப்பாய்களை நிலைநிறுத்துவதென முடிவு எடுக்கப்பட்டது. இதன் விளைவாக, டிசம்பர் திங்களில் கச்சா எண்ணெய் விலை தொடர்ந்து பெருமளவில் குறைந்து வருகிறது. ரஷியா, வெனிசூலா, மெக்சிகோ உள்ளிட்ட நாடுகளுக்கு இது கெட்ட செய்தி தான். இந்த நாடுகள் குறைவான எண்ணெய் விலையால் கடும் நிதி அழுத்தத்தைச் சந்தித்துக் கொண்டிருக்கின்றன.

ரஷியா முதலில் பாதிக்கப்பட்டுள்ளது. கடந்த சில திங்கள்காலத்தில் ரூபிள் மதிப்பு தொடர்ந்து குறைந்து வருகிறது. எப்போதும் வலிமைமிக்க தோற்றம் அளிக்கும் ரஷிய அரசுத் தலைவர் புதின், 2 ஆண்டுகள் தொடரக்கூடும் பொருளாதார பின்னடைவை ரஷியா எதிர்கொள்ளும் என்பதை ஏற்றுக்கொள்ள வேண்டியிருக்கிறார். அந்நாட்டின் நிதியமைச்சர் சிலுயனொவ் பேசுகையில்—

"ரூபிள் மாற்று விகிதம் மற்றும் எண்ணெய் விலை தொடர்ந்து தற்போதைய நிலையில் இருந்தால், 2015ஆம் ஆண்டு ரஷியாவுக்கு 50 ஆயிரம் கோடி ரூபிள் இழப்பு ஏற்படும்" என்றார் அவர்.

1 2 3