சீனப் பண்பாட்டின் படி, ஒவ்வொரு சீன நாட்காட்டி ஆண்டில் ஒரு விலங்கு சின்னமாக கருதப்படும். எலி, மாடு, புலி, முயல், டிராகன், பாம்பு, குதிரை, ஆடு, குரங்கு, கோழி, நாய், பன்றி ஆகிய 12 விலங்குகள் முறையே ஓராண்டின் சின்னமாக மாறும். கடந்த ஆண்டு சீனாவின் ஆண்டு விலங்காக குதிரை இருந்தது. புதிய ஆண்டின் விலங்கு ஆடு ஆகும். எனவே புதிய ஆண்டு ஆடு ஆண்டு என்றழைக்கப்படும்.

வசந்த விழா, சீனாவின் மிக முக்கிய விழாவாகும். சீனர்களுக்கான வசந்த விழாவில் நிறைய அர்த்தம் உள்ளது. கடந்த ஆண்டுக்கு வணக்கம் சொல்வது, புதிய ஆண்டை வரவேற்பது, குடும்பத்தினர் அனைவரும் ஒன்று கூடுவது ஆகியவை வசந்த விழாவின் முக்கிய அம்சங்களாகும். வசந்த விழா காலத்தில் சீனர்கள், முழு ஆண்டிலும் சேமித்த பணத்தை அதிகமாக செலவிடுவர். நிறைய கொண்டாட்ட பொருட்களை வாங்குவர். கொண்டாட்டத்தின் ஒரு பகுதியாக குழந்தைகளுக்கு பரிசுப்பணம் அளிக்க வேண்டும். இளைய தலைமுறை, முதியோரை வணங்கிட வேண்டும்.

1 2 3 4 5 6 7 8 9