நண்பர்களே, ஹைநான், பட்டாம்பூச்சியின் நாடு என வெகுவாகப் பாராட்டப்பட்டுள்ளது. உலகிலுள்ள 650 வகை பட்டாம்பூச்சிகளில், 50 விழுக்காட்டு பட்டாம்பூச்சிகளை ஹைநானில் கண்டுரசிக்கலாம். யா லோங் வேன் சுற்றுலா காட்சித்தலத்தில் பட்டாம்பூச்சி பூங்கா ஒன்று உள்ளது. அது, சீனாவில் மிகப் பெரியதாகும். பட்டாம்பூச்சி மற்றும் மழைக்காட்டுப் பண்பாடு இப்பூங்காவின் தலைப்பாகும். இந்தப் பூங்கா சுமார் 1.5 ஹெக்டர் நிலப்பரப்புடையது. பூங்காவில் ஆயிரக்கணக்கான பட்டாம்பூச்சிகள் வளர்கின்றன. எங்கும் வண்ணமயமான பட்டாம்பூச்சிகள் பறந்து திரிவதைக் கண்டுரசிக்கலாம்.

அரிய மரங்களும், ஆண்டு முழுவதும் மலரும் பூக்களும், பாய்ந்தோடும் நதிகளும் பூங்காவில் காட்சியளிக்கும்.

அதுமட்டுமல்ல, பட்டாம்பூச்சி உருவமுடைய காட்சியகத்தில், உலகில் புகழ் பெற்ற பட்டாம்பூச்சிகளைக் கண்டுரசிக்கலாம். இயற்கைத் தாயின் அதிசயத்தை உணர்ந்து கொள்ளலாம். இந்த பட்டாம்பூச்சிப் பூங்காவின் நுழைவுச்சீட்டு 26 யுவானாகும்.

வண்ணமயமான பட்டாம்பூச்சி காட்சியகம் தவிரவும், யா லோங் வேன் சுற்றுலா காட்சித்தலத்தில் சிப்பி காட்சியகமும் உண்டு. வெவ்வேறான சிப்பிகளையும் கண்டுரசிக்கலாம்.

எப்படி நண்பர்களே, இதமான சூரியன் ஒளி, தூய்மையான காற்று, நீல வண்ணமயமான கடல் நீருடைய யா லோங் வேன் சுற்றுலா காட்சித்தலத்தைக் காண விரும்புகிறீர்களா.